Caelum, vel Caeli, est locus communis religiosus cosmologicus vel supernaturalis ubi entia ut dii, angeli, animae, sancti, vel maiores venerati originem habere, inthronizari, vel habitare dicuntur. Secundum opiniones quarundam religionum, entia caelestia in Terram descendere vel incarnari possunt, entia terrestria autem in Caelum in vita post mortem ascendere vel, in casibus exceptis, Caelum intrare sine morte.

Caelum saepe describitur ut "locus altissimus", locus sanctissimus, paradisus, contra Infernum vel Orcum vel "loca humilia" et universaliter vel conditionaliter accessibilis entibus terrestribus secundum varias normas divinitatis, bonitatis, pietatis, fidei, vel aliarum virtutum vel rectarum opinionum vel simpliciter voluntatis divinae. Quidam credunt in possibilitatem caeli in Terra in mundo futuro.